Atrahasis Tablet III (Akkadian [transliteration]) in: Near East – Akkadian
col. i
[mAt-ra-am-ḫa-si-is pí-a-šu i-pu-ša-ma]
[iz-za-kàr a-na be-lí-šu]
(lines 3–9 missing)
10 [. . .] x x
[mAt-ra-am-ḫa-si-is] ⸢pí-a-šu i-pu-ša⸣-am-ma[iz-za]-⸢kàr⸣ a-na be-lí-šu
[ša šu-ut-ti w]u-ud-di-a qé-re-eb-ša
[re-e-sà l]u-di lu-uš-te-e si-ib-ba-as-sà
15 [dEn-ki p]í-a-šu i-pu-ša-⸢am⸣-ma
[iz]-za-kàr a-na ar-di-šu
[u]r!-šu-um-ma lu-uš-te-i ta-qá-ab-bi
ši-ip-ra ša a-qá-ab-bu-ku
šu-uṣ-ṣi-ir at-ta
20 i-ga-ru ši-ta-am-mi-a-an-ni
ki-ki-šu šu-uṣ-ṣi-ri ka-la zi-ik-ri!(ZI)-ia
ú-pu-ud bi-ta bi-ni e-le-ep-pa
ma-ak-ku-ra zé-e-er-ma
⸢na⸣-pí-iš-ta bu-ul-li-iṭ
25 [e]-le-ep-pu ša ta-ba-an-nu-⸢ú⸣-[ši]
[. . .] mi-it-ḫ[u-ra-at . . .]
[. . .]
[. . . k]i!-⸢ip!-pa-ti⸣ [. . .]
[k]i-⸢ma⸣ Ap-si-i šu-a-ti ṣú-ul-li-⸢il-ši⸣
30 a-ia i-mu-ur dŠamaš(UTU) qé-re-eb-ša
lu-ú ṣú-ul-lu-la-at e-li-iš ù ša-ap-li-iš
lu-ú du-un-nu-na ú-ni-a-tum
ku-up-ru lu-ú da-a-an e-mu-qá šu-ur-ši
a-na-ku ul-li-iš ú-ša-az-na-na-ak-ku
35 ḫi-iṣ-bi iṣ-ṣú-ri bu-du-ri nu-ni
ip-te ma-al-ta-ak-ta šu-a-ti / ú-ma-al-li
ba-a-aʾ a-bu-bi 7 mu-ši-šu iq-bi-šu
mAt-ra-am-ḫa-si-is il-qé-a te-er-tam
ši-bu-ti ú-pa-aḫ-ḫi-ir ⸢a⸣-na ba-bi-šu
40 mAt-ra-am- ḫa-si-is pí-a-šu i-pu-ša-⸢am-ma⸣
[i]z-za-kàr a-na ši-bu-[ti(m)]
[i]t-ti i-li-ku-nu i-li ⸢ú⸣-[ul ma-gi-ir]
[i]-te-te-zi-zu dEn-ki ⸢ù⸣ [dEn-líl]
[iṭ]-ṭa-ar-du-ni-in-ni i-na [āliya/mātiya]
45 [iš]-tu-ma ap-ta-na-a[l-la-ḫu dEn-ki]
[a-w]a-tam an-ni-[tam aq!-bi]
[ú-ul] ú-uš-ša-ab i-na U[RU-ku-nu-ma]
[i-na] er-ṣe-et dEn-líl ú-ul a-[ša-ak-ka-an še-pí-ia]
[it]-ti i-li ú-[(ur)-ra-ad a-na Apsî]
50 [an-ni-ta]m ⸢iq-bi-a⸣-a[m i-li dEn-ki]
(c. 4–5 lines missing)
col. ii
(lines 1–8 missing)
i[q-. . .]
10 ši-bu-[tum . . .]
na-ga-[ru na-ši pa-as-su]
at-ku-up-[pu na-ši a-ba-an-šu]
ku-up-ra [it-ta-ši ša-ru-ú]
la-ap-nu [ḫi-šiḫ-ta ub-la]
15 ú-x [. . .]
ut-ta-a[k . . .]
bu-[. . .]
mAt-r[a-am-ḫa-si-is . . .]
ú-li-x [. . .]
20 i-[. . .]
ru-[. . .]
(lines 22–27 missing)
me?-⸢x⸣-[. . .]
⸢ú⸣-ub-b[a-al . . .]
30 mi-im-ma ⸢i⸣-[šu-ú i-ṣe-en-ši kaspa]
mi-im-ma i-š[u-ú i-ṣe-en-ši ḫurāṣa]
el-lu-ti iṭ-[bu-uḫ al-p]i
ka-ab-ru-ti [iš-gi-iš im-me]-ri
i-bé-er-[ma uš-te-r]i-ib
35 mu-up-pa-a[r-ša iṣ-ṣú-ur] ša-ma-i
bu-u[l . . . iš-ta]-ka-an
na-[ma-aš-še]-⸢e?⸣ ṣe-ri
mārī(DU[MUmeš) um-ma-ni(?) uš]-te-ri-ib
[…ú-b]i-il ar-ḫu
40 […] ni-ši-šu iq-ri
[…] ⸢a⸣-na qé-re-ti
[…] x ⸢ki⸣-im-ta-šu uš-te-ri-ib
[a-ki-l]u i-ik-ka-al
[ša]-tu-ú i-ša-at-ti
45 i-ir-ru-ub ù ⸢ú⸣-uṣ-ṣí
ú-ul ú-uš-ša-ab ú-ul i-ka-am-mi-is
[ḫ]e-pí-i-ma li-ib-ba-šu i-ma-aʾ ma-ar-ta-am
u4-mu iš-nu-ú pa-nu-ú-šu
iš-ta-ag-na dAdad(IŠKUR) i-na er-pé-ti
50 i-la iš-mu-ú ri-gi-im-šu
[k]u-up-ru ba-bi-il i-pé-eḫ-ḫi ba-ab-šu
iš-tu-ma i-di-lu ba-ab-šu
dAdad(IŠKUR) i-ša-ag-gu-um i-na er-pé-ti
ša-ru uz-zu-zu i-na te-bi-šu
55 ip-ru-uʾ ma-ar-ka-sa e-le-ep-pa / ip-ṭú-ur
col. iii
(lines 1–2 missing)
[. . .] x x x [. . .]
[. . .] bu!-ra-i
5 [u4-ma iš-t]e-en me-ḫu-ú
[. . . i]ṣ-ṣa-am-du
[… i-na ṣ]ú-up-ri-šu
[ú-ša-ar-ri-iṭ š]a-ma-i
[. . . m]a-ta-am
10 [ki-ma ka-ar-pa-ti r]i-gi-im-ša iḫ-pí
[. . . it-ta-ṣa-a] a-bu-bu
[ki-ma qá-ab-l]i ⸢e⸣-li ni-ši i-ba-aʾ ka-šu-šu
[ú-ul] ⸢i⸣-mu-ur a-ḫu a-ḫa-šu
[ú-ul] ⸢ú⸣-te-ed-du-ú i-na ka-ra-ši
15 [a-bu-b]u ki-ma li-i i-ša-ap-pu
[ki-ma] ⸢e⸣-ri-i na-e-ri
[i-ša-as-sú-n]im ša-ru
[ša-pa-at e]-ṭú-tu dŠamaš(UTU) la-aš-šu
[li-il-li-du i-b]a-šu ki-ma zu!-ub-bi
20 [i-lu ip-la-ḫu ri-gi]-im a-bu-bi
[i-na ša-ma-i pu-uz-r]a [i]-⸢ḫu⸣-zu
[i-na ka-ma-ti uš]-bu
[ip-la-aḫ-ma A-nu] ri-gi-im a-[bu-bi]
[li-ib]-bi i-li uš-ta-ka-a[d]
25 [A-nu i]š-ta-ni ṭe4-⸢e⸣-em-šu
[i-lu] ma-ru-šu up-⸢pu⸣-qú
[i-n]a ma-aḫ-ri-šu
[dNi]n-tu be-el-tum ra-bi-tum
[pu]-ul-ḫi-ta ú-ka-la-la ša-ap-ta-ša
30 [d]A-nun-a i-lu ra-bu-tum
[aš]-b[u] i-na ṣú-mi ù bu-bu-ti
⸢i⸣-mu-ur-ma il-tum i-ba-ak-k[i]
ta-ab-su-ut i-li e-ri-iš-ta d⸢Ma⸣-m[i]
u4-mu-um li-id-da-⸢i⸣-[im]
35 li-tu-ur li-ki-[il]
a-na-ku i-na pu-úḫ-ri ša ⸢i⸣-[li]
ki-i aq-[bi]
it-ti-šu-nu ga-me-er-ta-a[m]
dEn-líl iṭ-pí-ra ú-ša-aq-bi pí-i-[ia]
40 ki-ma Ti-ru-ru šu-a-t[i]
ú-ša-aḫ!-ḫi pí-i-i[a]
a-na ra-ma-ni-ia ù pa-ag-ri-i[a]
i-na ṣe-ri-ia-ma ri-gi-im-ši-na eš-me
e-le-nu-ia ki-ma zu-ub-bi
45 i-wu-ú li-il-li-du
ù a-na-ku ki-i a-ša-bi
i-na bi-it di-im-ma-ti ša-ḫu-ur-ru / ri-ig-mi
e-te-el-li-i-ma a-na ša-ma-i
tu-ša wa-aš-ba-a-ku
50 i-na bi-it na-ak-⸢ma⸣-ti
e-ša-a A-nu il-li-kam be-el ṭe4-mi
i-lu ma-ru-šu iš-mu-ú zi-⸢ki⸣-ir-šu
ša la im-ta-al-ku-ma iš-ku-⸢nu a⸣-[bu-ba]
ni-⸢ši ik-mi-su a-na ka⸣-[ra-ši]
(one line missing)
col. iv
(lines 1–2 missing)
[. . .] ⸢x x⸣ [. . .]
ú-na-ab-ba dNi[n-tu…]
5 a-bu-ma-an ul-⸢da⸣ n[i-ši-ia]
ti-a-am-ta ki-ma ku-li-li
im-la-a-nim na-ra-am
ki-ma a-mi-im i-mi-da a-na ⸢sa-ḫi?⸣
ki-ma a-mi-im i-na ṣe-ri i-mi-da / a-na ki-ib-ri
10 a-mu-ur-ma e-li-ši-na ab-ki
ú-qá-at-ti di-im-ma-ti / i-na ṣe-ri-ši-in
ib-ki-i-⸢ma⸣ li-ib-ba-ša ú-na-ap-pí-iš
ú-na-ab-ba dNin-tu
la-la-ša iṣ-ru-up
15 i-lu it-ti-ša ib-ku-ú a-na ma-tim
iš-bi ni-is-sà-tam!
ṣa-mi-a-at ši-ik-ri-iš
ši-i a-šar uš-bu i-na bi-ki-ti
uš-bu-ma ki-ma im-me-ri
20 im-lu-nim ra-ṭa-am
ṣa-mi-a ša-ap-ta-šu-nu pu-ul-ḫi-ta
⸢i-na⸣ bu-bu-ti
i-ta-⸢na⸣-ar-ra-ar-ru
7 u4-mi 7 mu-š[i-a-ti]
25 il-li-ik ra-⸢du me-ḫu-ú⸣ [a-bu-bu]
a-šar is-r[i-ḫu? …]
sa-ki-i[p . . .]
ṣa-x [. . .]
(C1: ll. 29–38 are broken)
i[b-. . .]
40 is-⸢x⸣ [. . .]
bi-[. . .]
u[š . . .]
⸢x⸣ [. . .]
ú-[. . .]
45 i-n[a . . .]
it-t[a . . .]
⸢x⸣ [. . .]
(c. 12 lines missing)
col. v
(lines 1–7 missing)
⸢x⸣ [. . .]
⸢x⸣ [. . .]
10 ú?-[. . .]
i-[. . .]
⸢e⸣-[. . .]
⸢x⸣ [. . .]
⸢x⸣ [. . .]
(C1 v 15–27 are broken)
⸢x⸣ [. . .]
i-s[i? . . .]
30 ⸢a⸣-na ša-a-r[i er-bet]
[i]t-ta-qí!(DI) [ni-qá-a]
⸢i-za-an-nu-un⸣ [. . .]
[. . .] ⸢x x⸣
[i-ṣi-nu i-l]u e-re-ša
35 [ki-ma zu-ub-b]i e-lu ni-qí-i pa-aḫ-ru
[iš-tu-m]a i-ku-lu ni-qí-a-am
[dNin]-tu it-bé-e-ma
⸢na-ap⸣-ḫa-ar-šu-nu ut-ta-az-za-am
e-ša-a A-nu il-li-kam
40 be-el ṭe4-e-mi
dEn-líl iṭ-ḫi-a a-na qú-ut-re-ni
ša la im-ta-al-ku-ú-ma / iš-ku-nu a-bu-ba
ni-ši ik-mi-su a-na ka-ra-ši
ub-⸢la⸣ pí-i-ku-nu ga-me-er-tam!
45 ⸢el⸣-lu-⸢tum zi!⸣-mu-ši-na iʾ-a-ad-ru
ù ši-i iṭ-ḫe-e-ma / a-na zu!-bé-e ra-bu-⸢ti⸣
ša A-nu i-lu!(ŠU)-lu!(MA) i-pa-an qá-a[d!-mi!]
ia-a-at-tum ni-is-sà-s[ú-nu]
lu-ú ši-im-ti-i-ma!
50 li-še-ṣa-an-ni-ma i-na né-el-m[e-ni]
pa-ni-ia li-ip-t[e]
lu-ú-ṣí ši-a-ru-u[m? x] / mu-⸢x x x⸣ [x x x]
col. vi
i-na ma-[a-tim . . .]
zu-ub-bu-ú a[n-nu-tum]
lu-ú uq-ni ki-ša-di-i[a-a-ma]
lu-uḫ-sú-ús-ma! u4-mi [. . .] / zi-[. . .]
5 ma-ku-ra i-ta-ma-ar q[ú-ra-du dEn-líl]
li-ib-ba-ti ma-li ša ⸢dI-gi⸣-[gi]
ra-bu-tum d⸢A-nun⸣-na ⸢ka-lu-ni⸣
ub-la pí-i-ni iš-ti-ni-iš ma-mi-tam
a-ia-⸢a⸣-nu ú-ṣi pí-ri!-iš-tum
10 ki-i ib-lu-uṭ ⸢a-wi⸣-lu[m] / ⸢i-na ka-ra-ši⸣
A-nu pí-a-šu i-⸢pu-š⸣a-am-ma
iz-za-kàr ⸢a⸣-na qú-ra-⸢di⸣ dEn-líl
ma-an-nu an-ni-tam
⸢ša la dEn-ki⸣ i-ip-pu-uš
15 [ki-ki-š]a ú-ša-ap-ta zi-ik-r[a]
[dEn-ki] pí-a-šu i-⸢pu-ša-am⸣-[ma]
[iz-za-kàr] a-na i-li ⸢ra-bu-ti⸣
[lu-ú e]-pu-uš i-na pa-ni-⸢ku⸣-n[u]
[ú-uš-t]a-ṣi-ra na-pí-⸢iš⸣-[tam . . .]
20 [at-ta apkal(ABGAL)] i-li [qú-r]a-d[u!]
[ki-i la ta-am-li-ik-ma a-b]u-ba
[(. . .) ta-a]š-ku-un
[tu-na-ap-pí-iš l]i-ib-ba-ka
[šu-ud-di-id] ù ru-um-mi
25 [be-el ar-n]im šu-ku-un še-re-et-ka
[ù] ⸢a⸣-iu-ú ša ú-ša-a[s]-sà-ku / a-wa-at-ka
[li-iš-ku]-nu pu-úḫ-ra [. . .]
(lines 28–37 missing)
[. . .] ⸢x⸣ ši-a-ti
[. . .] iš-ku-nu
40 [ú-na-ap-p]i-iš li-ib-bi
[dEn-líl p]í-a-šu i-pu-ša-am-ma
[iz-za]-kàr a-na dEn-ki ni-iš-ši-ki
[ga-na sa-a]s-sú-ra dNin-tu ši-si-⸢ma⸣
[at-t]a ù ši-i mi-it-li-ka / i-na pu-uḫ-ri
45 [dEn-ki pí]-⸢a⸣-šu i-pu-ša-am-ma
[iz-za-kàr] ⸢a⸣-na dNin-tu sa-as-sú-ri
[at-ti sa-a]s-sú-ru ba-ni-a-⸢at⸣ / ši-ma-ti
[šu-uk-ni mu-ta] ⸢a⸣-na ni-ši
[a-wi-la (ina qá-ab-ri) šu-uṣ]-⸢li⸣-li
50 [. . . ša-ni-tum l]i-⸢ib-ši⸣
[. . .] ⸢x⸣
(one line missing)
col. vii
[a]p-⸢pu⸣-na ša-lu-uš-tum li-i[b]-ši / i-na ni-ši
i-na ni-ši a-li-it-tum-ma la a-li-it-tum
li-ib-ši-ma i-na ni-ši Pa-ši-it-tu
li-iṣ-ba-at še-er-ra
5 i-na bi-ir-ku a-li-it-ti
šu-uk-ni ú-ug-ba-ak-ka-ti e-ne-ti
ù e-gi-ṣi-a-ti
lu-ú ik-ki-bu ši-na-ma
⸢a⸣-la-da-⸢am⸣ pu-ur-⸢si⸣
10 [šu-uk]-ni a[d] ⸢x x x x⸣ [n]a?-di-tam
[šu-gi-tam] ù [qá-di?]-iš-tam
[. . .] ⸢ra ma?⸣ [x x] ⸢x na?⸣
[šu-uz-b]i-⸢li⸣-[0]-ši-in
[x x] ⸢x⸣ [x x x x]-⸢x⸣-mi-šu
15 [. . .]-tum
[. . .] ⸢x⸣
eṭ-[. . .]
li-[. . .]
⸢x x⸣ [. . .]
20 a-š[i-im . . .]
⸢dEn-líl⸣ [. . .]
⸢x x⸣ [. . .]
⸢x⸣ [. . .]
ma-⸢si⸣-[. . .]
25 me-⸢ḫu-x⸣(-)[. . .]
ma-ta-[. . .]
27 ⸢x⸣ [. . .]
(lines 28–35 missing)
⸢x⸣ [. . .]
ḫu-[. . .]
ba-[. . .]
i-[. . .]
40 ib-[. . .]
⸢ša⸣ [. . .]
(c. 16–22 lines missing)
col. viii
(lines 1–2 missing)
[. . .] ⸢x⸣
5 [. . .] ⸢x⸣
[x] ⸢x x⸣ [. . .] da
[x] ⸢ma ši x⸣ [. . . tu]m
[i]b-ba-š[u?-ú? . . .] ⸢ni?⸣
ki-ma ni-iš-⸢ku⸣-[nu a-bu-b]a
10 a-wi-lum ib-lu-[ṭu i-na ka-ra-ši]
at-ta ma-li-ik i-[li(-ma)]
te-ri-ti-iš-[ka]
ú-ša-ab-ši qá-a[b-la]
ša-ni-it-ti-iš-[ka]
15 an-ni-a-am za-ma-r[a]
li-iš-mu-ma dI-gi-g[u]
li-iṣ-ṣí-ru na-ar-bi-ka
a-bu-ba a-na ku-ul-la-at ni-ši
ú-za-am-me-er ši-me-a
20 al-til 19
dub-3-kám-ma
i-nu-ma i-lu a-⸢wi⸣-luma-⸢wi-lu?⸣
⸢mu-šid-bi 390⸣
šu-nigin 1245
25 ša 3 ṭup-pa-t[i]
šu sig-dA-a dub-sar tur
itu gu4-si-sá ⸢u4?⸣ [x-kám]
mu am-mi-ṣa-d[u-qá lugal-e]
alan-a-[ni máš gaba tab-ba šu an-du8-a]
30 ⸢ù⸣ [alan-a-ni šu silim-ma ab-bé-e-a]
[é-tùr-kalam-ma-šè in-ne-en-ku4-ra]
(c.i) Akkadian [transliteration] — (c.ii) Wasserman (2020) — (c.iii) Dalley (2000) — (c.iv) Foster (1996) — (c.v) Lambert and Millard (1969) — (c.vi) Von Soden (1994) (German) — (c.vii) Bottéro (1989) (French) — (c.viii) Lara Peinado (2002) (Spanish) — (c.ix) Secondary sources
– Wasserman, Nathan, The Flood: The akkadian Sources. A New Edition, Commentary, and a Literary Discussion, (Zurich Open Repository and Archive: University of Zurich, 2020), pp. 19-31. [This source is an open access publication; download here].
Flood Stories 